GMA NEWS:
Nakisaya ang mga Kapuso stars sa mga mamamayan ng tinaguriang City of Golden Friendship na Cagayan de Oro sa pagdiriwang nila ngayong taon ng Kagay-An Festival!
Sinimulan nitong Miyerkules ng RNB Prince and Party Pilipinas mainstay na si Jay-R ang kasiyahang handog ng GMA Network na ginanap sa Limketkai Atrium para sa "Ms. Kagay-An."
Kasama ni Jay-R ang kanyang real-life partner, Kapuso talent and beauty queen na si Krista Kleiner, nagsilbing isa sa mga hurado sa beauty contest.
Samantala, sina GMA Cebu's Anna Maris Igpit at GMA TV Cagayan de Oro's Isyu Karon reporter Joyce Vega, ang nagsilbing hosts sa “PE Rhythmic Dance Festival" na ginanap sa Pelaez Sports Center noong Huwebes.
Nagkaroon din ng “Serbisyong Totoo Docu-Fest" sa Xavier University Little Theater kung saan ipinalabas ang mga de-kalibreng dokumentaryo ng News and Public Affairs ng GMA. Dumalo sa naturang pagtitipon para sumagot sa mga katanungan ang GMA News TV's Balita Pilipinas Ngayon anchor na si Mark Salazar.
Isinagawa rin ang “Kapuso Barangayan: Serbisyong Totoo Hatid ng GMA News and Public Affairs" sa covered court ng Brgy. Bonbon.
Sa Sabado ng umaga, makikilahok ang Starstruck alumnus na si Mike Tan sa “Kapuso Golden Float Parade" para magsilbing escort ng tinanghal na Ms. Kagay-an. Ang float na kanilang sasakyan ay idinesenyo ng Kapuso Network.
Magsisimula ang parada sa Rodelsa Circle, patungo sa Paseo del Rio at magtatapos sa Limketkai Center.
Tuloy ang kasiyahan hanggang Linggo kung saan gaganapin ang “Kapuso Night" sa SM City Cagayan de Oro’s Carpark Canopy. Kabilang sa mga masisilayan sa Linggo ng gabi ay ang Munting Heredera cast member na si Katrina Halili at Futbolilits star na si Daniel Matsunaga. Nandoon din sina Michelle Madrigal, Ehra Madrigal at Will Devaughn.
"Our hats off to the organizers of Kagay-An Festival 2011 for the success of this years celebration! Thank you for making GMA your prime media partner," ayon kay Armi Sobremisana, GMA TV Cagayan de Oro Sales & Marketing Officer.
"The highlights of the Kagay-An Festival will be seen thru Isyu Karon Northern Mindanao and the Kapuso TV Special to be aired on September 11 in all 8 regional TV stations nationwide: Cagayan de Oro, Cebu, Bacolod, Dagupan, Davao, General Santos, Iloilo and Naga," dagdag naman ni Oliver Amoroso, AVP for GMA Regional TV. -- FRJimenez, GMA News
Information Courtesy of GMA News
http://www.gmanews.tv/story/230705/showbiz/kapuso-stars-join-cagayan-de-oros-kagay-an-festival
If You Like This Kapuso Post, Click Here To Subscribe Via Email
